婚禮中不能缺少的角色 《MC》

新人教路- MC 篇

近呢幾年不斷出席好多親朋好友嘅婚宴,加上自己即將結婚,都會不自覺咁留意人地婚禮上嘅各種細節,用心感受新人辛苦籌備嘅一個晚上,唔再係去到放低人情食餐飯影張相。 除左佈置同埋食物質素,我最在意嘅反而係當晚氣氛,賓客能唔能夠投入係整個婚宴入面。試過好幾次感覺自己去左某某餐會,新人march in後講幾句野,就接住有唔同嘅表演單位出場 (唱歌、彈樂器、跳舞、魔術...) 成個過程已經無再見過新人同埋MC (戈個係大部分人眼中認為係搞氣氛嘅人物) ~ 睇完表演排隊影張相就走人。當時我就同自己講,我唔想我嘅賓客有呢種感覺。 之後我開始上網做research,見到好多新娘都分享專業嘅婚宴MC同朋友幫手做嘅MC有咩分別。老實講我一直都覺得結婚已經要用好多錢,如果可以搵朋友幫手,點解唔將就下慳左佢?但根據新娘們的分析同埋個人出席婚宴的經驗,就發現MC係同攝影師一樣咁重要!! 我無誇大黎講,因為big day當日真係見識到MC嘅重要性!由早上係酒店出門開始,MC就已經發揮佢嘅功能,time controller~當全世界包括攝影師都好陶醉影緊相嘅時候,MC永遠係最清醒的一個!佢會睇實rundown,適時催場,盡量做到on schedule又唔會令大家唔高興! 第二樣就係最重要同最有價值嘅地方,帶動氣氛!咪以為朋友熟啲做MC就會親切啲🤦‍♀️ 好多朋友上到台都會怕醜食螺絲,甚至乎望住份稿照讀,除非好好彩你朋友係做開婚宴MC🤣 唔係就只能祝你好運 至於我地個MC,我同先生都俾100分佢!完全無悶場!第一次見MC同新娘一樣係無得埋位食野 (當日有安排crew meal) 由於我地用3條片(成長片段、婚紗側錄、SDE) 黎取代左表演節目,MC出場嘅次數就高好多。係片與片之間,MC都會介紹我地嘅故事、婚禮嘅構思、主題等等~圓婚後聽返親戚朋友嘅反應都係好好,覺得成晚都好投入,MC把聲好正 第三樣,我覺得係bonus,就係執生!婚宴上會遇到好多突發事情,相信新人都未必得閒應對,而經驗唔多嘅兄弟姊妹有時都愛莫能助。呢樣野真係真心讚,亦係老爺奶奶最impressed!其中件事係~當晚係場地敬茶時,MC跟住我一早編好嘅list安排親戚上台飲茶,飲飲下發現其中一位長老未飲正在扁咀中。。。即使後面已經有一堆人係到等緊,MC都做到安撫大家同立即安排返呢位長老上台,老人家最後都非常滿意 連我無預計有咁多金器,無準備到紅繩佢都有帶埋 仲有好多細位我唔係到一一分享 (已經變成千字文),但真係好多謝呢位專業的婚宴MC Peter ️ 最後,我唔知其他婚宴MC係咪都一樣 Peter佢係會跟足全日婚禮 (由早上出門、外影、下午證婚到晚宴結束),big day前仲會盡可能同我地夾時間開最少兩次會。第一次主要係了解我地嘅構思、愛情故事、期望嘅婚宴模式、喜好同俾一啲專業意見我地等等~之後Peter會share籌備婚禮一定用得著嘅表格 (Rundown、金器/敬茶list、影相list、seat plan等等)俾我地,連song list (有埋歌)都有!第二次就主要係傾rundown、婚禮細節同提點我地可能會忽略嘅野 一個價錢最少見Peter 3次,真係物超所值! 希望各位b2b都搵到稱心滿意又超值嘅MC啦!

Olive U Creative 既MC系我地星岛中文电台既著名MC, 专业又经验丰富,一定可以令新人们稱心滿意又超值!欢迎咨询。


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square

Tel: 415-519-5238

​       415-335-8452

Email: oliveucreative@gmail.com

© 2020 by Olive U Creative Planning