蜜遊迪士尼!尋找7大浪漫影相位

要喺迪士尼入面影婚紗相,一定要join迪士尼樂園酒店嘅婚宴套餐。但其實簡單著返套情侶裝、casual look,加埋以下呢7個浪漫sweet spot,一樣可以影到一輯溫馨情侶照!

Sweet Spot 1:上世紀火車站 踏入美國小鎮大街,必定唔可以錯過呢個上世紀火車站,兩人依偎欄杆談心,輕輕鬆鬆就可以影到充滿美國鄉村小鎮風格嘅合照。

Sweet Spot 2:泰山樹屋 影情侶相唔一定要係深情對望,可以動感啲。喺探險世界嘅泰山樹屋吊橋奔跑,加埋原始氣息,充份流露你與另一半愛探險愛fun嘅一面。不過,就真係要趁平日遊客少啲先做到,或者要請攝影師P走路人。

Sweet Spot 3:廣場飯店 呢度睇落似迪士尼樂園酒店,其實係仿維多利亞式嘅廣場飯店,玩到肚餓搵嘢食之際,千祈唔好錯過呢幢典雅建築啊!影出嚟個效果romantic 得嚟又帶點classic,好靚呀!

Sweet Spot 4:反斗奇兵大本營 Toy Story世界色彩繽紛,原來晚上取景一樣咁夢幻!好似呢對恩愛小情侶,喺燈飾下留影,係咪好sweet呢?

Sweet Spot 5:仙女小亭園 色彩繽紛嘅巨形奇花異卉之間,原來暗藏拍攝靚位,你同另一半好似童話故事叢林中嘅小精靈一樣,顏色與大細嘅對比,非常有新鮮感。

Sweet Spot 6:仙女小亭園 入夜後,迷離莊園嘅氣氛帶點神秘,係間嘅童話feel外另一種感覺。加埋亮燈後帶點紫色嘅背景,不用擺pose,都浪漫滿分。

Sweet Spot 7:旋轉木馬 經典嘅旋轉木馬場景,一直深受戀人歡迎。其實唔一定要騎住木馬影相,反而拎返個全景角度,好似圖中情侶溫馨拖手及親吻額頭,一樣咁浪漫!

#Prewedding

Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square