2018年5大婚禮流行趨勢

2018年結婚的新人注意!編輯根據本地新人現時籌備婚禮的流行item,同大家分享一下今年婚禮趨勢。

1. 輕婚紗或小拖尾婚紗當道 Ball gown或大拖尾婚紗已經過時,2018婚紗趨勢以輕逸感為主。香港都有店舖主打輕婚紗,好多新娘都一見鍾情,貪佢影pre-wedding夠方便,拎去外國亦唔會太麻煩。

2. 姊妹新形象 留意新娘同姊妹的婚禮花絮,focus豈止一班靚女咁簡單?經宋熙年同王君馨婚禮用上Tattoo sticker同姊妹飾物後,唔少新娘都貼心為好友準備飾品,大日子誓要一齊靚!

3. 簽名布out! 已經愈來愈多新娘覺得簽名布係「雞肋」item,婚禮過後只能封塵。所以有部分新娘已經轉用另類簽到法,例如電子簽到或得意簽到擺設。

4. 回禮趨向養生為主 以前大家都會花心思,度身訂製曲奇或買現成朱古力作回禮。隨住大家愈嚟愈注重養生,加上要討長輩歡心,新人漸以各式茶包作回禮,人人合用又得體。

5. Calligraphy 西洋書法似乎係婚禮字體大勢所趨,你會喺喜帖、save the date卡、婚禮logo、welcome board等地方見其蹤影。2018年應該會keep住大玩不同墨水同物料gimmick,齊齊發掘有咩item啱用啦!


Featured Posts
Recent Posts