又黎實用文 - 禮多人不怪! 利是銀碼知多少

又係婚後分享既時間~~ Big day 前2個月我開始真係開個excel drop 低有咩要做.. (之前太懶) 其中一個item 係利是 計計埋埋,原來利是都好襟計架!!!! 比比下都好多! 不過~~~ 結婚係開心事 禮多人不怪... 都想同大家分享有咩人要比,同埋我比既銀碼 不過呢d 野豐儉由人,無話標準係點,無話咩叫多,咩叫少 大家睇番自己個場地啦,budget 啦,人數多少啦,老公諗法啦,而調整呀! 千奇唔好覺得我比左咁既銀碼,你要跟/ 比多d ! 因為真係人人情況唔同架! 唔需要有壓力,我只想分享有咩人要比利是架咋!知無? 所以黎緊我有d 人既銀碼我無show 出黎,因為個d 多數係好個人既! 同埋呢個都不是finalised version 但都差不多了! 整呢個excel 出黎最好係因為可以唱定銀紙呀! 屋企唔會有咁多散紙嘛~ Happy share !

——- 1. 場地人士 我有問酒樓佢地再幾多人既 佢地有分經理,主任,侍應,廚房咁... - 間間酒樓應該唔同,呢個不是finalised version 但銀碼差不多係咁 跟開我的經理比多d ! 大廚緊係又要比多d la ! (成晚野食靠佢架啦嘛) 其他人士會少d - 你會發現我比雙封架! 我入完男家門之後派既就係雙封(入門前就單封 - 呢個安排係我自己想架咋,無話一定要,個影響就係用多左利是封囉因爲銀碼都預左會比,雙封咪拆散個金額咁解) 酒樓多數有個跟身既人(幫你拉裙尾,提醒你呢樣個樣個個呢),個個我都會比多d ~~ ——- 2. 兄弟姐妹,開門利是 呢個好個人既 但我有少少諗法架呢 我會比兄弟大封d 因為姐妹會有開門利是啦,又會有我比佢另一封利是 所以我個時係兄弟個封大過姐妹個封既 但由於姐妹有開門利是,最後佢地既利是錢差不多(姐妹多ddd啦) 咁無話一定要公平一模一樣既,只不過我真係多謝兄弟姊妹既全日幫手,所以小小心意咋! —— 3. 工作人員 好多架,上至photog mua mc 律師 下至樓下看更叔叔 我都準備了利是 點解要比看更呢,因為都阻住佢地做野架嘛! 同埋個日好多人出出入入,下下都禁上屋企都幾煩! 我媽早一日已經拎左盒西餅落去同佢地講聲我地做喜事呀聽日! 叫佢地多多幫忙 —— 4. 最後最後但又好易漏 就係還衫時比婚紗鋪/褂鋪既利是喇 我還衫是都係咁意比左封利是呀! 始終都係開心事,我係一去到就比左個姐姐先! 咁佢先開始檢查下d 衫 唔知關唔關事呢? 還衫時檢查過程勁順利,好快就拎番訂金喎🤣🤣🤣小小心意小小心意~ ——— 當然好緊要啦,就係利是封喇! 準備定唔同size 既利是封for唔好銀碼! 重要人士,我會寫係後面係比邊個架!eg 經理,大廚,主任咁 因為去到酒樓我一次過比晒經理分,咁佢就唔會亂啦!! 派利是我諗你預幾千蚊架都要! 仲有呢~ 帖入面既回禮禮利10蚊封,都要準備定銀紙架! 利是要早d 諗定比邊個,封幾多,唔好早幾日先攪呀! 因為你幾日前會忙到甩碌架喇!🤜🤛加油


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square

Tel: 415-519-5238

​       415-335-8452

Email: oliveucreative@gmail.com

© 2020 by Olive U Creative Planning