【靚太教你討奶奶歡心!】 靚太生咗個囝囝後,終於明白點解會有婆媳糾紛:「女人十月懷胎,花20、30年培養囝囝,突然幾年間俾另一個女人(媳婦)搶走,都真係幾傷心。」所以做人新抱,都要學下點討奶奶歡心,和


【女人語】做足這五點,贏得奶奶心!

講個笑話你聽!

話說我同老公一心想第一胎生女,當我們去產檢照結構時,醫生告訴我們是個男BB, 我第一句沖口而出的說話是:下?我第時要做奶奶? 我腦就浮現:奶奶 + 新抱 = 婆媳糾紛 (暈!) 生了Timtam仔之後我就明白,為什麼奶奶同新抱會有咁大鴻溝!十月懷胎,二三十年愛錫哉培養育仔仔,幾年間比另一個女人搶走!前世情人比人搶左,做媽媽的總會心有不甘! 女人是非常麻煩的!我自己是女人都覺得女人好麻煩(笑)!不過就因為自己都是女人,就更加明白如何應付女人! 我會想,將來仔仔真的要結婚了,如果新抱對我好,我多個女兒孝順我,又能好好照顧我兒子,見到仔仔幸福組織小家庭,我就會好安慰! 前題就是,新抱如何: - 對我好 - 孝順我 - 照顧好我仔仔 我奶奶應該都會想我這樣對她,其實我們做後輩的可以多點做主動,先做個好新抱!我有少少個人心得想分享,我奶奶人很隨和那種,所以比較容易相處,比大家一些心得參考: 1. 多溝通、多關懷 見到面可以多點和奶奶閒談,多點關心她,聽她分享,大家多點溝通。有時候得閒也可以打電話比奶奶,慰問關心她,天氣凍左呀呢兩日,有冇著夠衫呀! 2. 細心稱讚 女人都喜歡被人讚!例如有日奶奶穿了件新衫,就讚她件衫著得好睇,又或者奶奶煲左湯,就讚她煲湯好甜好好飲,奶奶聽到都一定好開心架! 3. 老公是你最好的公關 如果你有一位神隊友,他應該會懂得在適當時間表揚一下,你曾經做過好老婆的表現比奶奶知,不過很多時,老公都是豬隊友,唯有提下老公,記得在奶奶面前讚下自己,比個好印象奶奶,最好能隱惡揚善,當然你都要做d野,令自己有值得讚的地方。 4. 識都要扮唔識 奶奶照顧左老爺和你老公幾十年,一定有一套做事方法,或許同我們新一代的處理方法不一樣,如果無傷大雅,我會靜心聽奶奶講她的做法,就算我自己識,都會扮唔識問點解呀?咩黎架?點整架?當學多一個新方法,之後跟唔跟佢個方法做自己決定,但至少減少正面衝突。 5. 過時過節要送禮 做左新抱之後,過時過節都要送禮比奶奶,人人喜好不同,平時多細心留意奶奶的喜好,或缺少、不捨得買的物品!如果仍然沒有頭緒,送花膠鮑魚冬菇這些送禮佳品一定人見人愛,如果怕不懂烹調,可以買現成的,方便快捷! 其實奶奶養育左我們老公幾十年,是應該要好好報答她養育之恩,上一輩思想和我們雖然有很大分別,他們的出發點都是為我們好,我們做新抱的可以比多一點主動,多一點體諒,多一點關心,加多少少老公的公關投巧,只要有心,我相信終有日大家都會收買到奶奶的心! Facebook: Timtam仔的成長日誌 Instagram: Cheerfulchristy


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square

Tel: 415-519-5238

​       415-335-8452

Email: oliveucreative@gmail.com

© 2021 by Olive U Creative Planning