諗真啲!真係要做姊妹團?

好友結婚,閨密第一時間爭住做姊妹,甚至會因為對方唔請自己做姊妹而嬲嬲豬。不過,新娘揀姊妹,你都唔一定要答應,要先睇睇自己係咪符合以下5大條件!

捱唔捱得? 做姊妹,辛苦過返工,天未光就要起身趕到女家或出門酒店,接受為時兩小時多的變裝環節,又要捱到晚上十一、十二點先至結束,返屋企仲要卸妝,如果第二日仲要返工,真係咪話唔攰!

係咪世界女? 做姊妹最緊要夠social,唔可以慢熱,因為未必咁彩一班姊妹團都係互相認識,仲要識埋班兄弟,如果怕怕羞羞,內向型的女生可能未必勝任!

容唔容易話為? 要記住,姊妹不是婚禮主角,姊妹裙顏色、化妝要求,早午晚三餐安排等等,未必完全由你話事。如果你自問太挑剔,執著於新人的安排,就可能不太適合做姊妹,否則好易有風波。

貪唔貪靚? 貪靚係女人專利,但出席好友婚禮,就要收起一些些愛美天性,因為呢一日就算扮得幾靚都好,都會發生狼狽情況,例如要幫手搬物資、佈置等等,好多過來人都話會大汗疊細汗,但為咗新娘都會轄出去。如果你太過貪靚,就要諗清楚接唔接呢個「姊妹團」offer啦!

係咪正面樂觀? 要知道,婚禮中最緊張的就是一對新人,姊妹絕對唔可以做緊張大師,太騰雞、樣樣都擔心過度。最好保持正面樂觀的心境,適當時候安慰新人,紓緩主角緊急的心情。


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square

Tel: 415-519-5238

​       415-335-8452

Email: oliveucreative@gmail.com

© 2021 by Olive U Creative Planning